ወለንታዊ ስራሕን ስሩዕ ስራሕን ንዝደልዩ ሰባት መዝገብ ገበን ምፍታሽ

ኣብ'ቲ'መእታዊ ናብ ፈተሻ ድሕረ ባይታ ነቶም ስሩዕ ስራሕን ወለንታዊ ስራሕን ዝደልዩ ሰባት' ዝብል ናይ ሓበሬታ ወረቐትና ትካላት ንዓኻ ተራ ናይ ስሩዕ ዝኾነ ስራሕ ወይ ወለንታዊ ስራሕ ቅድሚ ምሃቦም ንምንታይ ገበናዊ መዝገብ እንተሃልዩካ ምፍታሽ ከምዘድልዮምን፣ ብዛዕባ እቶም ኣገልግሎት ምግላጽን ምኽልካልን (Disclosure and Barring Service, DBS) ዝበሃሉ ኣብ ዓባይ ብሪጣንያ ናይ ፍተሻ ስራሕቲ ናይ ምስራሕ ሓላፍነት ዘለዎም ኣካላትን መብርሂ ሂብና ኢና።
እዚ ናይ ሓበሬታ ወረቐት ብዛዕባ እቶም ዝካየዱ ፍተሻታትን ብዛዕባ ከመይ ጌርካ ከም እተመልክትን ዝያዳ ዓሚቝ ሓበሬታ ይህብ።

እቶም ዝተፈላለዩ ናይ DBS ፍተሻታት እንታይ እዮም፣ እንታይ ሓበሬታኸ የካፍሉ? 

'መሰረታዊ ናይ DBS ምስክር ወረቐት' (Basic DBS Certificate) ዝኾነ መዝገብ ከበድቲ ገበናት ወይ መዝገብ ናይ'ቶም ንነዊሕ እዋን ማእሰርቲ ዝዳርጉ ገበናት ከርኢ እዩ።

'መደበኛ ናይ DBS ምስክር ወረቐት' (Standard DBS Certificate) ዝኾነ መዝገብ ከበድቲ ገበናት ወይ ዝኾነ መዝገብ ተዛመድቲ ገበናዊ ገበናት ከርኢ እዩ። እቲ ሰብ ካብቲ ብሕጊ ዝተነጸረ 'ናይ ምሕዋይ ግዜ' ወጻኢ ኮይኑ እንተተራእዩ፡ ገለ ሕሉፋት ገበናት ብመሰረት ሕጊ ዓባይ ብሪጣንያ ዕላው ኣይግበሩን እዮም።

‘ዝተማዕበለ ናይ DBS ምስክር ወረቐት’ (Enhanced DBS Certificate) ምስ'ቲ መደበኛ ምስክር ወረቐት ተመሳሳሊ ሓበሬታ ዝሓዘ ኮይኑ፣ ኮይኑ ግን ሓደ ናይ ፖሊስ መኮነን ኣገዳሲ ኮይኑ ዝረኸቡ ዝኾነ መዝገብ እውን ክሕዝ ይኽእል እዩ።

'ዝተማዕበለ ኮይኑ ዝርዝራት ዝርዝር ዝተኸልከሉ እውን ዝሕዝ DBS ምስክር ወረቐት' (Enhanced with barred lists DBS Certificate) ከምቲ ዝተዓጻጸፈ ቸክ ከርኢ እዩ ከምኡ’ውን ዝኾነ ዝርዝር ናይ ሓደ ዝተኸልከለ ሰብ ወይ ኣብ ዝተኸልከለ ዝርዝር ዘሎ ሰብ ከርኢ እዩ። ዝተኸልከለ ዝርዝር ማለት ብ DBS ዝተሓዝ ዝርዝር ናይ'ቶም ጉድኣት ዘብጽሑ ወይ ድማ ኣብ ልዕሊ ተቓላዕቲ ጉጅለታት ጉድኣት ናይ ምፍጣር ተኽእሎ ዘለዎም ሰባት እዩ።
እቶም ዝፍተሹ መዛግብቲ ካብ ኢንተርፖል (ዓለምለኻዊ)፡ ቤት ጽሕፈት መዛግብቲ ገበናዊ ማሕበር ዋና ሓለፍቲ ፖሊስ (ACRO)፡ ከምኡ’ውን ካብ'ተን ምስ ዓባይ ብሪጣንያ ዳታ ናይ ምክፋል ውዕሊ ዘለወን ሃገራት ዝተረኸበ ዳታ ሓዊሱ፡ ብዛዕባኻ ኣብ ስርዓት ኮምፒተር ሃገራዊ ፖሊስ ዝተሓዝ ዝኾነ ይኹን ህሉዋት መዛግብቲ እዮም።
ሓደ ሰብ ኣብ ዓባይ ብሪጣንያ ከም ገበን ዘይውሰድ ነገር ዘመልክት ገበናዊ መዝገብ እንተሃልይዎ፡ ኣብቲ ምስክር ወረቐት ኣይክግለጽን እዩ።

ከመይ ጌረ ን DBS ፍተሻ ከመልክት ይኽእል? 

1) ንመሰረታዊ ፍተሻ፡ ባዕልኻ ብኢንተርነት ናብ DBS ከተመልክት ትኽእል ኢኻ፡ ወይ ድማ ንመመልከቲኻ ክሳልጠልካ ንዝኽእል ሓደ ትካል ፍቓድ ክትህብ ትኽእል ኢኻ። ንኹሎም ካልኦት ዓይነታት ፍተሻታት DBS፡ እቲ ምልመላ ዝገብር ትካል ቅጥዒ መመልከቲ ክሰደልካ እዩ። እቲ ቅጥዒ ናብቲ ምልመላ ዝገብር ትካል፣ ወይ ድማ ናብቲ ፍተሻታት “ንምምሕዳር” ስልጣን ዘለዎ ፍሉይ ተራ ዝጻወት ትካል ክቐርብ ይኽእል እዩ።

2) ብዛዕባ ገዛእ ርእስኻ፣ ኣበይ ከም ዝነበርካ፣ ከምኡ’ውን ዝኾነ ክትገልጾ ዘለካ መዛግብቲ ገበን ሓበሬታ ብምግላጽ ነቲ ቅጥዒ ምሉእ ብምሉእ ምልኣዮ። እቲ ቅጥዒ ናይ ዓባይ ብሪጣንያ ናይ ዕለትን ስምን ኣጸሓሕፋታት ክትጥቀምን ክሓተካን ከምኡ’ውን ገለ ብርእሰ-ምትእምማን ዘይትፈልጦም ቴክኒካዊ ቃላት ክጥቀም ይኽእል እዩ። ኣብቲ ቅጥዒ ዝፍጸሙ ጌጋታት ምድንጓይ ከስዕቡ ዝኽእሉ ብምዃኖም፡ ነቲ ቅጥዒ ኣብ ምምላእ ዝድግፈካ እትኣምኖ ሰብ ክህልወካ ሓጋዚ ክኾን ይኽእል እዩ።
እቲ ቅጥዒ ናይ'ቶም ዝሓለፉ ሓሙሽተ ዓመታት ኣድራሻታት ክትህብ ይሓትት እዩ።
ምስ ምሕታት ዑቕባ ዘይተኣሳሰር ነዊሕ ናይ መገሻ ግዜ እንተሃልዩካ፡‘ኣብ ወጻኢ ሃገር’ (abroad) ኢልካ ስም እቲ ዝገሽካሉ ሃገርን ዕለታትን ክትጽሕፍ ትኽእል ኢኻ። ኣብ ወጻኢ ሃገር ተቐሚጥካ እንተኾንካ፡ ኣብቲ ቀዳማይ መስመር ናይ'ቲ ዝሓለፈ ኣድራሻኻ 'ኣብ ወጻኢ ሃገር' (overseas) ዝብል ብምጽሓፍ፡ ድሕሪኡ ኣብቲ ዝተዋህበካ ቦታታት ስም እቲ ዝነበርካሉ ሃገርን ዕለታትን ጸሓፍ።
መንበሪ ገዛ ስኢንካ ዝነበርካለን እዋናት እንተደኣ ኣለዋኻ ኮይነን፡ ወይ ኣብ ጉዕዞኻ ዑቕባ ንምሕታት ካብ ቦታ ናብ ቦታ ወይ ድማ ናብ መዓስከራት እንተተጓዒዝካ፡ ነዚ እዋን እዚ ኣድራሻታት ከተቕርብ ኣየድልየካን እዩ። ‘ቀዋሚ መንበሪ የለን’ ‘ኣብ ወጻኢ ሃገር’ (abroad)፡ ወይ ‘ቀዋሚ መንበሪ የለን – ዓባይ ብሪጣንያ’ (no fixed abode – UK) ኢልካ ክትጽሕፍን ከምኡ’ውን እዚ ኩነታትካ ዘጋጠመሉ ዕለታት ክትጽሕፍ ትኽእል ኢኻ። ኣብ ዝሓለፈ እዋን ዘመናዊ ባርነት (ምስግጋር)፡ ኢሚግሬሽን ማእሰርቲ ወይ ካልእ ኣብቲ ቅጥዒ ንምግላጹ ኣጸጋሚ ክኸውን ዝኽእል ኩነታት እንተ ኣጋጢሙካ፡ ቅድሚ ቅጥዕኻ ምቕራብካ ምኽሪ ንምሕታት ምስ ናይ DBS ሓገዝ መስመር ርክብ ምግባር ክሕግዝ ይኽእል።
መዘኻኸሪ: ኣብ ማእሰርቲ ኢሚግሬሽን ጸኒሕካ ኔርካ እንተኮይንካን እሞ እዚ ድማ ምስ ተፈጺሙ ዝበሃል ወይ ክሲ ዝቐረበሉ ገበን ዝተኣሳሰር እንተዘይኮይኑ፡ እዚ ገበናዊ መዝገብ ስለዘይኮነ ምግላጹ ኣየድልየካን።

3) ካብቲ ብDBS ዝጸደቐ ዝርዝር ኦርጅናል ሰነዳት ብምቕራብ ናይ መንነትካ መርትዖ ከተርኢ ኣለካ። ነዚ ክትገብር እንተዘይክኢልካ ኣብ ክንድኡ ኣሰር ኣጻብዕቲ ክትህብ ድልየት እንተለካ ዝብል ኣማራጺ ኣሎ።
ንዕላማ ፍተሻ ኣሰር ኣጻብዕቲ ከትህብ ሕጉስ ምዃንካ እንተገሊጽካ፡ እቲ ምልመላ ዝገብር ትካል ንDBS ኣሰር ኣጻብዕቲ ከተቕርብ ምዃንካ ምሕባርን ድሕሪኡ ነዚ ብፖስታ ምርግጋጽን ዘጠቓልል ምምሕዳራዊ መስርሕ ክህሉ እዩ። DBS ምስ ናይቲ ከባቢ ፖሊስ ክራኸብ እዩ ድሕሪኡ ድማ እቲ ናይ'ቲ ከባቢ ፖሊስ ኣሰር ኣጻብዕቲ ንኽትህብ ክዕድመካ እዩ (እዚ ዕድመ ብደብዳቤ ወይ ብተሌፎን ክኸውን ይኽእል)። እዚ መስርሕ እዚ ዝተወሰነ ግዜ ክወስድ ይኽእል እዩ።
እዚ ምስ ፖሊስ ዝግበር ርክብ ኣብ ትሕቲ ጥርጣረ ስለዘለኻ ተባሂሉ ይፍጸም ከምዘየለ ክትፈልጥ ኣገዳሲ እዩ። ምኽኒያት እዚ ድማ ነዚ ኣገባብ እዚ መንነትካን መዛግብትኻን ብዝሕሉ መንገዲ ንምፍጻም ዝሰልጠኑ ሓለፍቲ ስለዘድልዩ እዩ። ምስ ፖሊስ ከም ሓደ ብስራሕ ወይ ብወለንታ ኣበርክቶ ክትገብር እትደሊ ሰብ ኮይንካ ኢኻ ትዋሳእ ዘለኻ፣ ኣወንታዊ ተሞክሮ ዝህብ ርክብ ድማ ከጋጥመካ ይግባእ። ናብ መደበር ፖሊስ ብምኻድ ኣሰር ኣጻብዕቲ ክትህብ፡ ወይ ድማ ኣብ'ቲ ዕለት ቆጸራ ክትርከብ ብግብራዊ ወይ ብስምዒት ኣጸጋሚ ኮይኑ እንተረኺብካዮ፣ ከምዚ ኢልካ ሓሳብካ ክትገልጽን ካልእ ዝኾነ ኣማራጺ እንተሃልዩ ክትሓትትን ትኽእል ኢኻ። ሓደ ሰብ ምሳኻ ክትወስድ እውን ትኽእል ኢኻ።

4) ቅጥዕኻ ምስ ቀረበን መለለዪ መንነትካ ምስ ተረጋገጸን፡ ኣገልግሎት DBS ነቲ ዝተዋህበ ሓበሬታ ተጠቒሙ መዛግብቲ ፖሊስ ኣብ ትሕቲ ጽኑዕ ሕጋዊ ደንቢ ይምርምር። ነቲ ዘሎ ሓበሬታ ይርእዩ፣
እንታይ ክግለጽ ከም ዘለዎ ንምውሳን ዝሕብሩ ዝኾኑ ሕግታት ኣብ ግብሪ የውዕሉ፣ ነቲ እተመልክቶ ተራ ኣገዳሲ ኮይኑ ዝረአ ምስክር ወረቐት ይሓትሙ። እዚ ምስክር ወረቐት እዚ ተዳልዩልካ ኣሎ።
መልማሊኻ ክርእዮ ክሓትት እዩ፤ ኣብዚ እዋን እዚ ነቲ ምስክር ወረቐት ከተርኢ ኣየድልየካን እዩ፣ ይኹን እምበር ነዚ እንተዘይጌርካ ክመልምሉኻ ኣይክእሉን እዮም። እቲ ናይ ምልመላ ሓላፊ ብዛዕባ ዝኾነ ኣብ ምስክር ወረቐትካ ዘሎ ሓበሬታ ብዝምልከት ከዘራርበካ እንተደልዩ፡ ንዓኻ ምቹእ ኣብ ዝኾነ ቦታን ከባቢን ክኸውን ምሕታት ይከኣል እዩ። ቅድሚ እቲ ኣኼባ ምኽሪ ክትሓትት ትኽእል ኢኻ፣ ወይ ድማ ንዝእመን ሰብ ንደገፍ ከተምጽእ ክትሓትት ትኽእል ኢኻ፣ ብፍላይ ዝኾኑ ናይ ቋንቋ ወይ ባህላዊ ዕንቅፋታት ኣብ ዝህልዉሉ እዋን።

5) ናይ ምምሕያሽ ኣገልግሎት DBS ምምዝጋብ ኣብ ግምት ኣእቱ። እዚ ድማ ናይ DBS ምስክር ወረቐትካ እዋኑ ዝሓለወ ክኸውንን ኣብ መጻኢ መልመልቲ ምስክር ወረቐትካ ክምርምሩን የኽእሎም። ናብ ተመሳሳሊ ደረጃ ምፍታሽ ዝሓትት ሓድሽ ተራ እንተ ኣመልኪትካ፡ እቲ መልማሊ ነቲ ምሉእ መስርሕ ዳግማይ ክትሓልፎ ካብ ዝሓተካ ብመንገዲ እቲ ዝተሓደሰ ስርዓት ክምርምር ይኽእል። ቁጽሪ መመልከቲ DBS ምስ ረኸብካ፣ ከምኡ’ውን ድሕሪ እቲ ምስክር ወረቐት ዝተውሃበሉ ዕለት ክሳብ 30 መዓልታት (እዚ ንመሰረታዊ ፍተሻ ኣይኸውንን እዩ) ብቕልጡፍ ከተመልክት ትኽእል ኢኻ።

ካብ DBS ሓገዝ ምርካብ

እዞም ዝስዕቡ ኩነታት ምስ ዘጋጥሙኻ፣ ንመስመር ሕቶታት DBS (customerservices@dbs.gov.uk 03000 200 190) ብምርካብ ሓገዝ ክትረክብ ትኽእል ኢኻ
 ኣብ መመልከቲኻ ብልክዕ እንታይ ክትጽሕፍ ከም ዘለካ ብዝምልከት ዝኾነ ስክፍታ እንተለካ
 ሓደ ሕቶ ንዓኻ ዝምልከት ምዃን ዘይምዃኑ ኣይትፈልጥን ኢኻ።
 ኣብቲ ዝጸደቐ ዝርዝር ዘይርከብ ናይ መንነት ሰነድ ኣለካ
 ንDBS ቼክ ኣብ እተመልክትሉ እዋን ካልእ ዝኾነ ሕቶ ኣለካ።
ትራንስጀንደር እንተኾንካን እሞ ዝርዝር ናይቲ ናይ ቀደም ክብል ዝነበረ መንነትካ ንሓደ መልማሊ ክትገልጾ እንተዘይደሊኻ፣ ምስ ናይ DBS ትራንስጀንደር መመልከቲ ጉጅለ ክትራኸብ ትኽእል ኢኻ።

ጉዳያትን ስክፍታታትን 

ምስ ኣህጉራዊ ፍተሻታት ጸገማት እንተኣጋጢሞምኻ

ካብ ወጻኢ ሃገር ዝመጽእ ሰርቲፊኬት ጽቡቕ ስነ-ምግባር ንምርካብ ዝብል ጠለብ መልመልቲ ከተማልእ እንተዘይክኢልካ፡ ነጻ ክትከውን ክትሓትት ትኽእል ኢኻ። እዚ ማለት እቲ መልማሊ ኣብ ልዕሌኻ ዘለዎ እምነት ንምህናጽ ካልእ ሓበሬታ ይጥቀም ማለት እዩ። እዚ ማለት ገምጋም ሓደጋ ክገብሩ፣ ተወሰኽቲ መወከሲታት ክረኽቡ፣ ነቲ ተራ ክቕይሩ፣ ንርእስኻ ክትገልጽ ክትፍርም ወይ ድማ ቃለ መሓላ ክትኣትዉ ክሓቱኻ ይኽእሉ እዮም።
ርእሰ-ምግላጽ ማለት ገበናዊ መዝገብ ከምዘይብልካ ዝገልጽ ዝተፈረመ ጽሑፋዊ መግለጺ ምቕራብ፡ ወይ ድማ ብሕጋዊ መንገዲ ክግለጽ ዘለዎ ዝኾነ ዘለካ መዝገብ ገበን ምክፋል ዘጠቓልል እዩ።
ቃለ መሓላ ምስዚ ሓደ እኳ እንተኾነ፡ እቲ መግለጺ ግን ኣብ ሕብረት ኤውሮጳ ብዝተመዝገበ ጠበቓ ወይ ‘ኮሚሽነር ማሕላ’ ዝተመስከረ፡ ማሕተም ዝተገብረሉን ፍቓድ ዝወሃቦን እዩ። ብዙሓት መልመልቲ ብዛዕባ እዞም ተኽእሎታት ኣይፈልጡን እዮም።

ብኢንተርነት ንምምልካት ጸገም እንተሃልዩካ

ንናይ DBS ፍተሻ ንምግባር ብኢንተርነት ትሓትት እንተኾንካን ብሰንኪ ጸገም ናይ ኣድራሻ ታሪኽካ፡ ወይ ድማ ናይ ጽቡቕ ባህሪ ምስክር ወረቐት ክትህብ ብዘይምኽኣልካን መመልከቲኻ ከተሰጉም እንተዘይክኢልካ፡ ሓገዝ ድለ። ምስቲ ናይ DBS ምፍታሽ ዝገብር ትካል ስክፍታ ከተልዕል ትኽእል ወይ ድማ ካብ DBS፣ ካብ መልማሊኻ፣ ካብ ቁልፊ ሰራሕተኛ ወይ ጠበቓ ደገፍ ክትሓትት ትኽእል ኢኻ። እዞም ጸገማት እዚኦም ሓደ ሓደ ግዜ ብሰንኪ ኣብ ኣገባብ ህንጸት ኤሌክትሮኒካዊ ስርዓታት ብዘጋጥም ናይ ዲዛይን ጸገማት፡ ወይ ድማ እቲ ስርዓት ነቲ ዝኸድካዮም ቦታታት ብፍሉይ መንገዲ ክትምዝግቦም ስለ ዝጠልብ ዘጋጥሙ እዮም። መብዛሕትኡ ግዜ እዞም ጸገማት እዚኣቶም ክእረሙ ይኽእሉ እዮም።

ናይ ገበን መዝገብ እንተሃልዩካ

ገበናዊ መዝገብ እንተሃልዩካUnlock ነቶም Unlock ፍርዲ ዘለዎም ሰባት እሙን ሓበሬታን ምኽርን ኣገልግሎት ዝህብ ናጻ ትካል ግብረ ሰናይ እዩ። ብተወሳኺ ነቶም ኣብ ሓበሬታ መዝገብ ገበን ተመርኲሶም ውሳነታት ምልመላ ዘሕልፉ ኣስራሕትን ሰብ ሞያ ሓይሊ ሰብን ናጻን ዘይሻራዊን ምኽርን ደገፍን ክህቡ ይኽእል እዩ።

እዚ ናይ ሓበሬታ ወረቐት ብ Migration Yorkshire ኣብ ታሕሳስ 2022 ዝተጻሕፈ እዩ። ኾነ ሕቶታት ምስ ዝህልዉኻ ፣ ምሳና ተራኸብ እሞ ንሕና ድማ ዝከኣለና ክንሕግዘካ ኢና፡ admin@migrationyorkshire.org.uk ወይ 0113 378 8188